समाचार

राजविराजमा कटाई-सिलाई सिपमूलक तालिम सम्पन्न

नविन निर्भय यादव
राजविराज, सप्तरी—घरेलु तथा साना उद्योग कार्यालय, राजविराजको आयोजनामे कटाई-सिलाई सिपमूलक तालिम मङ्गलदिन सफलतापूर्वक सम्पन्न भएको छ। चैत्र ६ गतेदेखि सुरु भएको तालिम २ महिना १५ दिनसम्म सञ्चालन गरिएको थियो।

३९ जना सहभागीहरूले प्रशिक्षण लिँदै सिलाई-कटाई सम्बन्धी व्यवहारिक ज्ञान हासिल गरे। अध्यक्षता अधिकृत रेखा यादवले गरेकी थिइन् भने ३ नम्बर वडा अध्यक्ष अनिल कुमार दास प्रमुख अतिथि रहेका थिए। शिक्षिका रंजु यादव तथा सरिता मण्डलले प्रशिक्षण प्रदान गरे।

तालिमपछि प्रमाणपत्र वितरण गरिँदै सहभागीहरूलाई व्यवसायिक सिपलाई व्यवहारमे लागू गर्न प्रेरित गरिएको थियो। विद्यार्थीहरूले प्रमुख अतिथिहरूलाई खादा र टीका लगाएर सम्मान गरे।

अध्यक्षता गरिरहेकी अधिकृत यादवले महिला सशक्तिकरण तथा आर्थिक आत्मनिर्भरता प्रवर्द्धनका लागि यस्ता तालिम आवश्यक रहेकाे बताइन्। प्रशिक्षकहरूले सिकाइको प्रयोग गर्दै स्वरोजगारको अवसर सिर्जना गर्न जोड दिए।

आयोजकहरूका अनुसार, यस्ता सिपमूलक तालिमले स्थानीय स्तरमे रोजगार तथा घरेलु उद्योग प्रवर्द्धनमे योगदान पुर्‍याउने विश्वास गरिएको छ। तालिमपछि सहभागीहरूले व्यवसाय सञ्चालन गर्ने योजनाहरू प्रस्तुत गरेका छन्।

यस प्रकारका तालिमहरू महिला तथा युवाहरूलाई आर्थिक स्वतन्त्रता प्रदान गर्दै उद्यमशीलता बढाउने अपेक्षा गरिएको छ। आयोजकहरूले आगामी दिनमे थप प्रभावकारी तालिम आयोजना गर्ने योजना रहेको बताएका छन्।

पब्लिक प्रेस न्यूजडेस्क

"पब्लिक प्रेस न्यूज डेस्क" यस अनलाइन पोर्टलको आधिकारिक समाचार इकाई हो। यो न्यूज डेस्कले मुख्यतया मधेश प्रदेश, विशेष गरी सप्तरी जिल्ला र आसपासका राजनीतिक, सामाजिक, धार्मिक तथा समसामयिक घटनाहरूलाई समेट्ने गर्दछ।

जवाफ लेख्नुहोस्

तपाईँको इमेल ठेगाना प्रकाशित गरिने छैन। अनिवार्य फिल्डहरूमा * चिन्ह लगाइएको छ

Back to top button