धनुषा
टेम्पुमा छुटेको ३२ हजार ५ सय रुपैयाँसहितको झोला ट्राफिक प्रहरीले खोजी गरी सम्बन्धित धनीलाई फिर्ता गराएको छ ।
धनुषाधाम नगरपालिका–४ निवासी महेन्द्र रामको टेम्पुमा ओर्लिने क्रममा ३२ हजार ५ सय रुपैयाँ रहेको झोला छुटेको थियो । झोला छुटेको जानकारी पाएपछि ट्राफिक प्रहरीले टेम्पुको खोजी गरी झोलासहितको रकम सकुशल फिर्ता गराएको हो ।
जिल्ला ट्राफिक प्रहरी कार्यालय धनुषाको समन्वयमा ट्राफिक प्रहरी टोलीले उक्त रकम सम्बन्धित धनी महेन्द्र रामलाई जिम्मा लगाएको जनाइएको छ ।










