समाचार

भोटेकोशी बाढीपछि तिलाठी कोइलाडीका आठ जना सम्पर्कविहीन, खोजीका लागि गाउँपालिकाको आग्रह

पब्लिक प्रेस ।
सप्तरी । बाढीका कारण तिलाठी कोइलाडी गाउँपालिकाका आठ जना कर्मचारी सम्पर्कविहीन भएपछि गाउँपालिकाले उनीहरूको खोजीमा सहयोग गरिदिन सम्बन्धित सबैसँग आग्रह गरेको छ।
गाउँपालिकाको कार्यालय तिलाठी, सप्तरीले २०८३ भदौ ११ गते जारी गरेको सूचनाअनुसार सम्पर्कविहीन हुनेमा तिलाठी कोइलाडी गाउँपालिका–२ का सब–इन्जिनियर दिलिपकुमार मण्डल, सब–इन्जिनियर मनिषकुमार मण्डल, इन्जिनियर रामकृष्ण मण्डल, सब–इन्जिनियर जितेन्द्रकुमार मण्डल, इन्जिनियर प्रेमकुमार मण्डल र इन्जिनियर नवलकुमार मण्डल रहेका छन्।
त्यसैगरी गाउँपालिका–४ का मेकानिकल इन्जिनियर संजयकुमार साह र गाउँपालिका–६ का कर्मचारी अशोककुमार मण्डल पनि बाढीपछि सम्पर्कविहीन रहेको गाउँपालिकाले जनाएको छ।
गाउँपालिकाले बाढीका कारण सम्पर्कविहीन भएका उनीहरूको खोजीमा सहयोग गर्न सबैलाई अनुरोध गरेको छ। साथै, उनीहरूबारे कुनै जानकारी प्राप्त भएमा गाउँपालिका अध्यक्ष अरुणकुमार मण्डल वा विपद् सम्पर्क व्यक्ति राजेशकुमार झालाई जानकारी गराउन आग्रह गरिएको छ।
गाउँपालिका अध्यक्ष अरुणकुमार मण्डलको सम्पर्क नम्बर ९८०४७१५६८० र विपद् सम्पर्क व्यक्ति राजेशकुमार झाको सम्पर्क नम्बर ९८०७७२७६५१ रहेको सूचनामा उल्लेख छ।

पब्लिक प्रेस न्यूजडेस्क

"पब्लिक प्रेस न्यूज डेस्क" यस अनलाइन पोर्टलको आधिकारिक समाचार इकाई हो। यो न्यूज डेस्कले मुख्यतया मधेश प्रदेश, विशेष गरी सप्तरी जिल्ला र आसपासका राजनीतिक, सामाजिक, धार्मिक तथा समसामयिक घटनाहरूलाई समेट्ने गर्दछ।

जवाफ लेख्नुहोस्

तपाईँको इमेल ठेगाना प्रकाशित गरिने छैन। अनिवार्य फिल्डहरूमा * चिन्ह लगाइएको छ

Back to top button