पब्लिक प्रेस सम्वाददाता
राजबिराज ।
ईण्डियन प्रीमियर लिग (आईपीएल) १८ औं संस्करणका
विजेता टिम रोयल च्यालेन्जर्स बैंगलोर (आरसीबी) को विजय जुलुसमा भागदौड हुँदा कम्तीमा ११ जनाको मृत्यु भएको छ । भारतीय संचारमाध्यमले मृत्युको संख्या यो भन्दा बढ्न सक्ने भनेका छन् ।
भारतीय संचारमाध्यका अनुसार भागदौडमा ५० जनाभन्दा बढी घाइते भएको र तीन जनाको अवस्था गम्भीर रहेको लेखेको छ ।
बेंगलुरुको एम चिन्नास्वामी स्टेडियमन नजिकै भएको विजय जुलुसमा यस्तो घटना भएको हो । कर्नाटकका मुख्यमन्त्री सिद्धारमैया घाइतेलाई भेट्न अस्पताल जाने तयारीमा छिन् ।
विजेता टिम तोकिएको समयभन्दा केही ढिला गरेर चिन्नास्वामी स्टेडियममा पुगेको थियो । टोली पुग्नासाथ भीडले आरसीबी, आरसिबी र कोहली, कोहली भनेर नारा लगाएका थिए । विराटले समर्थकहरुतिर हेर्दै ट्रफीलाई चुमेका थिए । त्यही बिच भागदौड सुरु भएको थियो ।










