समाचार

सप्तरीबाट जनकपुर धाममा बृहत विरोध सभामा सहभागिता

पब्लिक प्रेस ।
सप्तरी जिल्ला राजविराज नगरपालिका-७ स्थित त्रिभुवन चोकमा शनिवार विहान राष्ट्रिय प्रजातन्त्र पार्टी जिल्ला कार्य समिति सप्तरीको आयोजनामा बृहत विरोध सभामा सहभागी हुनका लागि भव्य कार्यक्रम सम्पन्न गरिएको छ ।

कार्यक्रममा जिल्ला अध्यक्ष उम्द्देश्वर प्रसाद साह र जिल्ला सचिव सुरेन्द्र साहको संयुक्त नेतृत्वमा करिब २५० जना सदस्यहरू तथा कार्यकर्ताहरू सहभागी थिए। सप्तरी जिल्लाका विभिन्न नगरपालिका र गाउँपालिकाबाट करिब ६ वटा बसमा सवार भई जनकपुर धाममा हुन गइरहेको विरोध सभामा सहभागी हुनका लागि टोली प्रस्थान गरेका छन् ।

यस सहभागिताले राष्ट्रिय प्रजातन्त्र पार्टीको संगठनात्मक एकता र सक्रियतालाई उजागर गरेको छ। विरोध सभामा सहभागी हुने टोलीले जनकपुर धाममा आफ्नो आवाज बुलन्द गर्दै पार्टीको उद्देश्य र मागलाई प्रभावकारी रूपमा प्रस्तुत गर्ने अपेक्षा गरिएको छ।

कार्यक्रमले सप्तरी जिल्लाको राजनीतिक सक्रियता र जनताको सहभागितालाई बलियो बनाउने विश्वास लिइएको छ। विरोध सभाको प्रभाव र परिणामले आगामी दिनमा पार्टीको रणनीतिमा महत्वपूर्ण भूमिका खेल्नेछ।

पब्लिक प्रेस न्यूजडेस्क

"पब्लिक प्रेस न्यूज डेस्क" यस अनलाइन पोर्टलको आधिकारिक समाचार इकाई हो। यो न्यूज डेस्कले मुख्यतया मधेश प्रदेश, विशेष गरी सप्तरी जिल्ला र आसपासका राजनीतिक, सामाजिक, धार्मिक तथा समसामयिक घटनाहरूलाई समेट्ने गर्दछ।

जवाफ लेख्नुहोस्

तपाईँको इमेल ठेगाना प्रकाशित गरिने छैन। अनिवार्य फिल्डहरूमा * चिन्ह लगाइएको छ

Back to top button