प्रहरी प्रशासन

सात क्वीन्टल भन्दा बढी गाँजा बरामद

पब्लिक प्रेस सम्वाददाता
राजविराज ।

सिरहाको सुखीपुर नगरपालिका वाड नम्बर ४ पोखरियाबाट ठूलो परिमाणमा लुकाइछिपाइ राखिएको लागुऔषध गाँजा प्रहरीले बरामद गरेको छ ।

शुक्रबार बिहान ६ बजेको समयमा गोप्य सूचनाको आधारमा ६० वर्षीय मेदी यादवको घरमा चेकजाँच गर्दा घर भित्र २६ र थप १ गरी २७ पोका गाँजा बरामद भएको हो । घरधनी यादव भने फरार छन् ।

बरामद भएको २७ पोका गाँजा तौल गर्दा कुल ७ सय १७किलो ६ सय ग्राम रहेको सिरहाका प्रहरी प्रवक्ता डीएसपी वीरेन्द्रकुमार पासवानले जानकारी दिए ।

बरामद गरिएको गाँजा आवश्यक कानुनी प्रक्रिया पूरा गरी अनुसन्धान तथा कारबाहीका लागि जिल्ला प्रहरी कार्यालय सिरहा पठाइएको छ । फरार रहेका मेदी यादवको खोजीका कार्यसँगै थप अनुसन्धान भईरहेको जिल्ला प्रहरी कार्यालय सिराहाले जनाएको छ ।

पब्लिक प्रेस न्यूजडेस्क

"पब्लिक प्रेस न्यूज डेस्क" यस अनलाइन पोर्टलको आधिकारिक समाचार इकाई हो। यो न्यूज डेस्कले मुख्यतया मधेश प्रदेश, विशेष गरी सप्तरी जिल्ला र आसपासका राजनीतिक, सामाजिक, धार्मिक तथा समसामयिक घटनाहरूलाई समेट्ने गर्दछ।

जवाफ लेख्नुहोस्

तपाईँको इमेल ठेगाना प्रकाशित गरिने छैन। अनिवार्य फिल्डहरूमा * चिन्ह लगाइएको छ

Back to top button