राजनीति

सप्तरी २ मा ४० करोडभन्दा बढीको योजना समावेश — जनमत अध्यक्ष डा. सि के राउतको अग्रसरता

पब्लिक प्रेस ।

सप्तरी, नेपाल — जनमत पार्टीका राष्ट्रिय अध्यक्ष  डा. सि के राउतको निरन्तर प्रयास र नेतृत्वमा सप्तरी जिल्ला निर्वाचन क्षेत्र नं. २ मा आर्थिक वर्ष २०८२/८३ को शहरी विकास मन्त्रालय अन्तर्गत विभिन्न योजनाहरू समावेश भएका छन्। यी योजनाहरूको अनुमानित बजेट ४० करोड रुपैयाँभन्दा बढी रहेको छ, जसले क्षेत्रको समग्र विकासमा उल्लेखनीय योगदान पु¥याउने अपेक्षा गरिएको छ।
योजना विवरण

उपलब्ध बजेट शहरी पूर्वाधार निर्माण, सडक विस्तार, ढल व्यवस्थापन, खानेपानी आपूर्ति तथा सार्वजनिक सेवा प्रवाहमा सुधार गर्न लक्षित गरिएको छ। साथै शिक्षा, स्वास्थ्य, रोजगार र पर्यावरणमैत्री व्यवस्थापनका कार्यक्रमहरू पनि प्रस्तावित छन्।

डा. सि के राउतले राजनीतिलाई सेवा र समर्पणको माध्यमको रूपमा परिभाषित गर्दै जनताको सपना साकार पार्न ठोस कदम चालेका छन्। उहाँको नेतृत्वमा जनप्रतिनिधिहरू, सरोकारवाला निकाय तथा स्थानीय तहहरूसँग सहकार्य गर्दै योजनाहरूमा जनता नै केन्द्रित दृष्टिकोण अपनाइएको छ। “जनमत छ भने सबै थोक सम्भव छ” भन्ने नारालाई साकार पार्न उहाँको योगदान प्रशंसनीय छ।

स्थानीय जनता योजनाहरूको समाचारप्रति उत्साहित देखिन्छन्। “बिस्तारै बिस्तारै हेर्दै जानु, जनता को सपना पूरा हुन्छ” भन्ने भावना बिस्तारै यथार्थमा परिणत हुँदैछ। जनप्रतिनिधिहरू जनताको आवश्यकतालाई प्राथमिकता दिँदै उनीहरूको जीवनस्तर उकास्न कार्यरत छन्।

डा. राउत न केवल एक राजनैतिक व्यक्तित्व, तर जनता बीच लोकप्रिय नेता हुन्, जसले जनताको पीडा बुझेर समाधानका उपाय अगाडि सार्दै आउनुभएको छ। उहाँको सक्रियता र दूरदर्शी सोचले सप्तरी २ को विकासका सपना नजिक ल्याउने छ।

जनताको हितका लागि राजनीति गर्ने, सेवा र समर्पणलाई केन्द्रमा राख्ने नेतृत्वको प्रतिवद्धता स्पष्ट देखिन्छ। “जय स्वराज” भन्ने उद्घोष जनताको अधिकार र आत्मनिर्भरताको प्रतीक बनेको छ।

पब्लिक प्रेस न्यूजडेस्क

"पब्लिक प्रेस न्यूज डेस्क" यस अनलाइन पोर्टलको आधिकारिक समाचार इकाई हो। यो न्यूज डेस्कले मुख्यतया मधेश प्रदेश, विशेष गरी सप्तरी जिल्ला र आसपासका राजनीतिक, सामाजिक, धार्मिक तथा समसामयिक घटनाहरूलाई समेट्ने गर्दछ।

जवाफ लेख्नुहोस्

तपाईँको इमेल ठेगाना प्रकाशित गरिने छैन। अनिवार्य फिल्डहरूमा * चिन्ह लगाइएको छ

Back to top button